ازيكم يا أحلي شباب في كلمة ونص
وأنا مصمم علي حكاية أحلي شباب رغم إعتراض الأجيال السابقة , وواضح طبعا الأعترضات علينا , فنحن بلا فخر أول جيل يحصل علي أكبر كمية من المسميات منها وليس كلها طبعا :
_ جيل بايظ
_ جيل فاشل
_ جيل سلبي
_ جيل مسروع
ومسميات تاني كتير بس انا شاب زي كل الشباب و عارف إن مش كل الشباب كده .
يمكن سلبيه الشباب دي مش إحنا السبب لكن كل الي حولينا , حكومة إيه ونعم الحكومة إلي يقول رأي مخالف ياخدعلي دماغه و الجيل إلي قبلنا مش عاجبه أي حاجة فينا ... إظاهر بيعوض إلي حصلة فاهمين طبعا ...
بس لا ومليون لا .. لازم يكنلنا كلمة حتي لو متسمعتش نتكلم في أي موضوع بدون قيود , ربنا خلقنا وإدانا حق أن نختار ميجيش ( واحد ) عارفينه طبعا ويسلبنا الحق ده ..
هنتكلم في كل حاجه من أول رغيف العيش والمشاكل الداخليه لحد مشاكل العالم و الشرق الاوسط ..
نسيت أعرف كام كلمة رغيف العيش للي ميعرفوش هو :
حسب المواصفات المصرية الحاليه حسب ما ورد من مكتب وزير التموين هو عجين قمح مخبوز كامل الإستدارة ناصع البياض متوفر في جميع أنحاء الجمهورية وبكثره خاصة ساعة خروج الموظفين من شغلهم..
المشاكل الداخلية \ تختلف بالطبع عن الملابس الداخلية ...
والشرق الاوسط هو عندما تقف في وسط الأوضة وتبص ناحية الشرق لو في حاجة بايظة تبقي هي مشكلة الشرق الأوسط ...
كلمة و نص هي حكايتي وحكايتك حكاية كل شاب وشابة مخنوقين خصوصا المخنوقين ....
و بــس خــلاص
للـحديث بـقـيــه
مواطن مصري
ليست هناك تعليقات:
إرسال تعليق